April 2016

You Are Here: Home / April 2016

एक्सेल डेभलपमेण्ट बैङ्क : कम्पनी विश्लेषण (सोमवार, २९ चैत २०७२)

Categories:

ex1

बैङ्कको २०७२/७३ आवको दोस्रो त्रैमासमा खुद नाफा २९ दशमलव ६६ प्रतिशत बढेको छ । बैङ्कको आइतवार भएको साधारणसभाले २६ प्रतिशत बोनस शेयर र १ दशमलव ३६ प्रतिशत नगद लाभांश वितरण गर्ने प्रस्ताव स्वीकृत गरेको छ ।

प्राविधिक विश्लेषण
आरएसआई : ओभर सोल्ड जोन (२६ दशमलव ८२ स्केल)मा छ । विक्री चाप बढेको छ । स्ट्याण्डर्ड डेभिएशन १७ दशमलव ७७ बिन्दुमा छ । यसले उतारचढाव सामान्य रहेको देखाउँछ ।

ex2

मुभिङ एभरेज : अल्पकालीन ७ दिने औसत मूल्य रेखा र २१ दिने मूल्य रेखा एकअर्कासँग टाढिँदै गएका छन् । हालको मूल्य २१ दिने रेखा र ट्रेण्ड लाइनभन्दा तल छ भने ७ दिने रेखाभन्दा माथि रहेको छ । हालको बिन्दुबाट मूल्य महँगिएमा रू. ५ सय ७० मा प्रतिरोध पाउन सक्छ । मूल्य सस्तिएमा ५ सय २० मा टेवा पाउन सक्छ ।

ex3

आधारभूत विश्लेषण
कम्पनीको आव २०७१/७२ र आव २०७२/७३ को दोस्रो त्रैमासिक वित्तीय विवरणबीच तुलना
– बैङ्कको दोस्रो त्रैमासमा खुद नाफा २९ दशमलव ६६ प्रतिशत बढेर रू. ४ करोड ५ लाख पुगेको छ । सञ्चालन नाफा १६ दशमलव ६५ प्रतिशत र खुद ब्याज आम्दानी ११ दशमलव ४८ प्रतिशतले बढ्नाले र गत आवमा रहेको रू. ५८ लाख ८१ हजार खराब कर्जा उठाउन बैङ्क व्यवस्थापन सफल हुनाले खुद नाफा बढेको हो ।

– ब्याज आम्दानी ८ दशमलव १० प्रतिशत बढेर रू. १४ करोड ५८ लाख र ब्याज खर्च ३ दशमलव ६१ प्रतिशत घटेर रू. ५ करोड ९९ लाखमा पुगेको छ ।

– कर्मचारी खर्च ४० दशमलव ४९ प्रतिशत, कुल सञ्चालन नाफा १४ प्रतिशत र अन्य सञ्चालन खर्च ३० दशमलव ५३ प्रतिशत बढेको छ ।

– रू. ३ अर्ब १७ करोड कुल निक्षेप सङ्कलन गरी रू. २ अर्ब ४४ करोड कर्जा प्रवाह गरेको छ ।

– कम्पनीको निष्क्रिय कर्जा १ दशमलव ३६ प्रतिशत र सीडी रेशियो ६९ दशमलव २४ प्रतिशत छ । राष्ट्र बैङ्कको प्रावधानअनुसार बैङ्कले थप कर्जा प्रवाह गर्न सक्ने देखिन्छ ।

– बैङ्कले सम्भावित जोखीमवापतको व्यवस्थामा रकम ३४ प्रतिशत घटाएर रू. ८९ लाख १२ हजारमा सीमित भएको छ ।

– पूँजी कोष लागत ४ प्रतिशत र पूँजी कोष पर्याप्तता ११ प्रतिशत छ । बैङ्कको दोस्रो त्रैमासिक विवरणमा उल्लेख भएअनुसार पीई रेशियो १५ गुणा र प्रतिशेयर आम्दानी रू. ३९ दशमलव ५६ छ । गत पुस मसान्तसम्ममा विगत १२ महीनाको आम्दानीका आधारमा प्रतिशेयर आम्दानी रू. ३९ दशमलव ८१ छ । सो आम्दानी र शेयरको पछिल्लो कारोबार मूल्यका आधारमा निकालिएको पीई रेशियो १४ गुणा छ । हालको शेयर मूल्य नेटवर्थको ३ गुणा छ ।

एक्सेलद्वारा भूकम्प प्रभावित झापाका तेह्र विद्यालयलाई आर्थिक सहयोग

Categories:

झापा, ६ साउन । एक्सेल डेभलपमेन्ट बैंक लिमिटेड विर्तामोडले भूकम्पबाट क्षति भएका झापामा १२ विद्यालयलाई आज आर्थिक सहयोग गरेको छ ।

बैंकको आफ्नो १०औँ वार्षिकोत्सवको अवसर पारेर प्रतिविद्यालय नगद ५० हजारका दरले आर्थिक सहयोग गरेको हो । भत्किएका विद्यालयको भौतिक संरचना निर्माणका लागि बैंकले उपलब्ध गराएको रकम सहायक जिल्ला शिक्षा अधिकारी उद्धव विष्टलाई हस्तान्तरण गरिएको बैंकका कार्यकारी निर्देशक दिनेशकुमार पोखरेलले जानकारी दिनुभयो ।

बंैकले सरस्वती बाल कल्याण मावि धाइजन, महेन्द्र रत्न उच्च मावि अनारमनी, शान्ति प्रावि दुवागढी, भीमले निमावि खुदुनाबारी, लक्ष्मीनारायण प्रावि गरामनी, सरस्वती प्रावि कुमरखोद, जानकी निमावि पाठामारी, कृष्ण निमावि बाहुनडाँगी, सरस्वती मावि पथरिया, चम्पापुर मावि घैलाडुब्बा, जनआर्दश उच्च मावि शिवगञ्ज र बाल प्रावि बनियानीलाई रकम प्रदान गरेको छ ।

त्यस्तै बैंकले झापाको मेचीनगर नगरपालिकास्थित इँटाभट्टामा रहेको आदर्श उच्च माध्यमिक विद्यालयका बालबालिकालाई शुद्ध पिउने पानीको व्यवस्थापनका लागि नगद रु एक लाख ५० हजार सहयोग गरेको छ ।

विद्यालयमा खानेपानी ट्याङ्की निर्माणका लागि उक्त रकम प्रदान गरिएको कार्यकारी निर्देशक पोखरेलले जानकारी दिनुभयो । उक्त रकम विद्यालयका प्रधानाध्यापक हेमकुमार खड्कालाई प्रदान गरिएको थियो ।

यसैगरी बैंकले विद्यालयसँग एक्सेल बैंक भन्ने कार्यक्रमलाई समेत अघि बढाएको बताइएको छ । जसअन्तर्गत सामुदायिक विद्यालयमा अध्ययनरत विद्यार्थीका लागि शैक्षिक सामग्रीसहित लत्ताकपडासमेत प्रदान गरिने कार्यक्रममा जानकारी दिइयो । जसका लागि जिल्ला शिक्षा कार्यालय झापासँग सहकार्य गरिने बैंकका कार्यकारी निर्देशक पोखरेलले बताउनुभयो ।

बैंकका सञ्चालक गणेशप्रसाद खनालको अध्यक्षतामा भएको कार्यक्रममा झापा उद्योग वाणिज्य सङ्घका अध्यक्ष उमेश डालमिया, पूर्वाञ्चल दैनिकका प्रधानसम्पादक मदन ढकाल, कञ्चनजङ्घा एफएमका प्रबन्ध निर्देशक चन्द्र भण्डारी, महेन्द्ररत्न उच्च माविका प्राचार्य मोहन ओली, बैंकका कम्पनी सचिव श्यामबहादुर बोहोरा आर्दश उच्च माविका प्राचार्य खड्कालगायतले बोल्नुभएको थियो ।

कार्यक्रममा बैंकको सेयरपुँजी २० करोड ५० लाख र ११ करोड ५० लाख रुपैयाँ नाफा गरेको बैंकका सहायक निर्देशक उमेशकुमार घिमिरेले जानकारी दिनुभयो । बैंकले करमात्रै तीन करोड १३ लाख रुपैयाँ तिरेको बताइएको छ । बैंकका पूर्वका झापासहित मोरङ र इलाममा १५ वटा शाखा सञ्चालनमा रहेका छन् ।

कार्यक्रममा बोल्दै सहायक जिल्ला शिक्षा अधिकारी विष्टले झापामा नै एक्सेलले नौलो कार्यक्रमको सुरुवात गरेको र यो कार्य अत्यन्त सराहनीय रहेको बताउनुभयो । रासस

Source: http://abctvlive.com/?p=22936